Mipadayag si Senate Deputy Majority Leader Risa Hontiveros nga base sa dugay na nga tradisyon sa Senado, wala’y kasamtangang senador ang mahimong dakpon samtang anaa ang sesyon sa Senado.
Kini nga pamahayag subay sa mga taho nga naglambigit sa dokumento sa International Criminal Court nga nagngalan nila ni Senador Christopher Bong Go ug Ronald Bato Dela Rosa kalabot sa gikaingong crimes against humanity nga konektado sa miaging administrasyon.
Matud ni Hontiveros nga ang dokumento nagpabilin nga usa ka indictment ug wala pa magsugod sa pormal nga pamaagi sa pagdakop.
Dugang pa niini, nga ang sitwasyon usa ka sakit ug lisud alang sa Senado isip usa ka institusyon, tungod sa seryoso nga mga implikasyon niini.
Sigon usab niini, nga nagpabilin ang baruganan niini nga susama sa liderato sa Senado, lakip na si kanhi Senate President Vicente Tito Sotto III, kansa mipasabot nga ang mga senador tradisyonal nga protektado gikan sa pagdakop sulod sa Senado samtang anaa pa kini sa sesyon.
Gipasabot usab ni Hontiveros, nga ang mga proseso sa International Criminal Court bulag sa Philippine judicial system.