Dili pwedeng balibaran sa gobyerno sa Pilipinas ang pagpatuman sa warrant of arrest nga gi-isyu sa International Criminal Court (ICC) batok kang Senador Ronald “Bato” Dela Rosa tungod sa obligasyon sa nasod ubos sa international law.
Sa eksklusibong pakighinabi sa Bombo Radyo Malaybalay, gipahayag ni Atty. Jose Sonny Matula nga bisan mibiya na ang Pilipinas isip miyembro sa ICI, duna gihapoy “residual obligation” ang nasod sa pagpakigkooperar ilabi na sa mga seryosong kaso sama sa crimes against humanity. Gipasabot ni Matula nga ubos sa Konstitusyon, kabahin sa balaod sa nasod ang mga prinsipyo sa international law, hinungdan nga obligado ang mga law enforcers sa pagdakop sa senador.
Dugang pa sa legal expert, balido ang maong warrant sumala usab sa deklarasyon ni Justice Secretary Fredderick Vida, ug adunay dakong katungdanan si Presidente Ferdinand Marcos Jr. nga ipatuman ang balaod pinaagi sa pagkooperar sa maong international tribunal.