Gitudlo sa Samahang Basketbol ng Pilipinas si Burke “BT” Toews isip bag-ong head coach sa Gilas Pilipinas Women.
Gihulipan niini si Patrick Aquino nga dugay na nga nagserbisyo isip coach sa national team ug nakatabang sa pag-uswag sa Gilas Women sa international basketball scene.
Si Toews naila sa iyang kalampusan sa Japan human niya gidala ang Fujitsu Red Waves ngadto sa back-to-back nga kampeonato niadtong 2024 ug 2025.
Gilauman nga iyang pangunahan ang kombinasyon sa beterano ug bag-ong henerasyon sa mga magdudula sa Gilas Women lakip na sila Jack Animam, Afril Bernardino, ug Kacey Dela Rosa.
Sa karon, ang Gilas Women naa sa ika-30 nga pwesto sa world rankings human sa ilang lig-on nga performance sa nagkalain-laing international tournaments karong tuiga.