Malipayong gibahagi sa aktres nga si Cristine Reyes sa iyang Instagram account nga opisyal na silang engaged sa iyang partner nga si Gio Tingson.
Sa iyang post, nag-share si Cristine og pipila ka mga hulagway gikan sa ilang laag didto sa Hong Kong, lakip na ang usa ka litrato diin iyang gipasigarbo ang iyang engagement ring. Gi-captionan kini sa aktres og: “Every timeline led here. Endgame unlocked,” nga dinalian sab nga gibuhosan og mga pahalipay ug congrats gikan sa iyang mga kauban nga artista, kabanay, ug mga fans.
Kahinumduman nga nagsugod ang mga hungihong bahin sa relasyon sa duha niadtong tuig 2025 sa dihang nakit-an silang nagkuyog sa usa ka out-of-country trip didto sa Vietnam. Si Gio Tingson nailhan kaniadto isip chairperson sa National Youth Commission (NYC) gikan 2014 hangtod 2016, nahimong Chief Political Officer ni Senador Bam Aquino, ug nahimo sab nga tsirman sa Akbayan Citizens’ Action Party.
Sa pikas bahin, si Cristine Reyes kay kanhi naminyo sa professional MMA fighter nga si Ali Khatibi niadtong 2016 ug duna silay usa ka anak nga si Amarah, apan opisyal nga na-annul ang ilang kasal niadtong sayong bahin sa 2024. Katapusan sab nga na-link ang aktres sa aktor nga si Marco Gumabao sa wala pa maki-atubang ug nakaplagan ang iyang “forever” kang Gio.