- Advertisement -
Natapos na sa Guangzhou Shipyard International didto sa China ang pagtukod sa pinakadakong barko sa kalibutan nga tigsakay ug tigbiyahe og mga sakyanan diha sa kadagatan.
Gitawag kini og Pure Car and Truck Carrier (PCTC) nga ginganlan og Glovis Leader, ug gi-komisyon kini sa South Korean car manufacturer nga Hyundai Motor Company. Ang maong barko adunay gitas-on nga 230 metros, gilapdon nga 40 metros, ug nasangkapan og 14 ka espesyal nga vehicle decks.
Tungod sa kadako niini, makakarga kini hangtod sa 10,800 ka yunit sa nagkalain-laing klase sa sakyanan—lakip na ang mga electric vehicles, hydrogen-powered vehicles, ug dagkong trak. Giapsan ug gilabwan niini ang kanhi rekord-holder nga Höegh Aurora nga makasulod lang og 9,100 ka sakyanan.
- Advertisement -