- Advertisement -
Walay gitakdang piyansa ang giatubang sa usa ka lalaki human kini nasakote sa kapolisan isip Top 8 Most Wanted Person sa city level tungod sa kasong may kalabutan sa ilegal nga droga atol sa operasyon sa Purok Dos (2), Barangay Nuwebe (9), Malaybalay City.
Giila sa mga otoridad ang nadakpan nga si alyas Ismael, 26 anyos, ug residente sa maong dapit. Si Ismael gisilbihan sa iyang warrant of arrest alang sa kasong paglapas sa Section 5 ug 11 sa Republic Act 9165 o ang Comprehensive Dangerous Drugs Act of 2002, ubos sa kamandoan nga gi-isyu sa korte niadtong Mayo 15, 2026.
Sa pagkakaron, temporaryo nang gipreserba sa kustodiya sa Malaybalay City Police Station ang suspetsado alang sa saktong dokumentasyon ug disposisyon sa korte.
- Advertisement -