Wala pa’y nadawat nga opisyal nga komunikasyon ang House of Representatives labot sa iskedyul nga gihan-ay sa Senado alang sa pagsugod sa impeachment trial batok kang Bise Presidente Sara Duterte.
Kini ang gipahayag ni House Impeachment Trial Spokesperson ug Representative Zia Alonto Adiong, dungan sa pagpasabot nga andam kaayo ang 11-member prosecution panel sa Kamara nga mosalang sa bisan unsang petsa. Nagpasalamat usab si Bicol Saro Party-list Representative Terry Ridon sa Senate Impeachment Court human opisyal nga gihan-ay ang pagsugod sa trial proper karong Hulyo 6, 2026.
Sa pikas bahin, hugot nga gitutulan ni House Committee on Justice Chairperson ug lead prosecutor Gerville “Jinky Bitrics” Luistro ang sugyot nga tugotan ang mga senador nga moapil ug mobotar online pinaagi sa Zoom atol sa trial. Tubag kini sa pamahayag ni Senator Rodante Marcoleta nga posibleng mag-Zoom si Senator Ronald “Bato” dela Rosa samtang nagtago kini sa warrant of arrest gikan sa International Criminal Court (ICI). Gipasabot ni Luistro nga tungod sa kabug-aton sa kaso, kinahanglang personal nga anaa ang mga senator-judges aron masusi og maayo ang mga dokumento ug ang dagan sa mga testigo.