Gipaubos na sa “full alert” sa Philippine National Police (PNP) ang ilang Aviation Security Group (AVSEGROUP) ug Maritime Group aron mabantayan ang tanang tugpahanan ug kadagatan sa nasod batok sa posibleng pag-ikyas ni Senador Ronald “Bato” Dela Rosa.
Sumala sa PNP, kini nga lakang gihimo human ideklara sa Department of Justice (DOJ) ang senador isip usa ka “pugante” tungod sa gi-isyu nga arrest warrant gikan sa International Criminal Court (ICC). Gitahasan na ang tanang units sa kapulisan sa pagpakatag sa hulagway sa senador sa tanang checkpoints ug exit points sa Pilipinas aron dinalian kining madakpan kon mosulay sa pagbiya sa nasod.
Giklaro sa PNP nga nakig-alayon na usab sila pag-ayo sa Bureau of Immigration (BI) ug Philippine Coast Guard (PCG) aron masiguro nga mabantayan bisan ang mga pribadong eroplano ug mga pantalan nga mahimong kaagian sa senador samtang nagpadayon ang manhunt operations batok kaniya.