Hingpit nga gihimakak ni Senador Christopher “Bong” Go ug kanhi Justice Secretary Vitaliano Aguirre II ang pagkalambigitan sa mga dokumento nga gipagawas sa International Criminal Court kon ICC nga gikaingong co-perpetrators kini ni kanhi Presidente Rodrigo Duterte sa kasong crimes against humanity adunay kalabotan sa war on drugs.
Sa usa ka pamahayag, miluwat ni Sen. Go, nga ang mga akusasyon wala’y basehan, one-sided, ug wala mihaom sa katungdanan kaniadto isip Special Assistant to the President gikan 2016 ngadto sa 2018 ug Executive Assistant to the Mayor of Davao City gikan 1998 ngadto sa 2016.
Gitataw sa Senador nga wala kini partisipasyon, kahibalo, o otoridad sa gikaingong mga kalapasan, ug mihimakak usab nga kini ang Hepe sa Presidential Management Staff.
Miinsistir si Go, nga magpabilin kining nakatutok sa katungdanan isip Senador ug pagserbisyo sa katawhang Pilipino taliwala sa gikaingong wala’y basehanan nga mga pasangil.
Gipanghimakak usab ni kanhi Justice Secretary Aguirre ang bisan unsang partisipasyon sa gikaingong extrajudicial killings nga adunay kalabotan sa kampanya sa kanhi Presidente batok sa illegal nga droga. Gipasabot ni Aguirre nga wala kini mosuporta ug wala’y kahibalo sa gikaingong pagpamatay.
Matud niini nga kaniadtong Septiyembre 2025 lamang niini nahibaw-an nga lakip ang pangalan sa Document Containing Charges nga gipasa sa prosekusyon kaniadtong Pebrero 13, apan matud niini nga wala kini angay kahadlokan ug andam kining moatubang sa bisan unsang kaso.
Giinsistir usab ni Aguirre, nga wala nay hurisdiksyon ang ICC sa Pilipinas human ni-withdraw ang nasud sa Rome Statute kaniadtong 2019.
Dugang pa niini, nga kaniadtong private Lawyer pa kini ni kanhi Presidente Duterte sa Davao, dili pa myembro sa ICC ang Pilipinas, hinungdan nga dili kini mapasakaan og kaso sa bisan unsang kalapasan.
Isip Justice Secretary gikan 2016 hangtod 2018, sumala niini nga nagtuman lamang kini sa mga katungdanan.