Nagpabilin karong sentro sa hisgutanan sa showbiz ang giingong pagkansela sa kasal sa aktres nga si Bea Alonzo ug sa negosyante nga si Vincent Co. Sumala sa mga taho, ang wala pagkasinabtanay sa ilang prenuptial agreement ang nag-unang rason kon nganong napurnada ang ilang plano nga pagpakasal unta didto sa Spain karong Mayo 14.
Giingong duna’y mga dugang kondisyon sa prenup gikan sa pamilya ni Vincent nga wala uyoni sa kampo ni Bea. Gawas niini, migula usab ang mga tabi-tabi nga duna’y impluwensya ang mga tawo sa palibot sa aktres nga nabalaka sa dagan sa iyang karera kon hingpit na siyang magminyo.
Bisan pa sa maong mga hungihong, wala pa’y opisyal nga kumpirmasyon gikan sa duha ka habig. Samtang ang pipila ka mga higala, sama ni Dimples Romana, nakit-an na didto sa Spain, nagpabilin nga naglibog ang mga fans kon postponed lang ba o hingpit na gyud nga kanselado ang maong “fairy-tale wedding.”