3-anyos nga batang Chinese, viral tungod sa kolor blue nga mata ug bulawanong buhok

Nakadani og atensyon sa publiko ang tulo ka tuig nga batang si Guojiang tungod sa iyang talagsaong asul o blue nga mga mata ug bulawanong kulot nga buhok, bisan kon lunsay nga Intsik ang amahan ug inahan niini. Tungod sa iyang matahom ng ahulagway, wala kapugngi sa pamilya niini ang mabalaka ug magduhaduha sa sinugdanan. Aron makuha ang kamatuoran, nipaubos sila sa DNA test diin nakumpirma nga tinuod gayod kini nga anak sa maong magtiayon. Nasayran sa ulahi nga ang iyang talagsaong mga kinaiya naggikan sa iyang katigulangang Ruso, usa ka hiyas nga karon pa lang nitaop pag-usab human sa pipila ka henerasyon. Bisan pa man sa mga pagdayeg ug katingala sa uban, gipasiugda sa iyang mga ginikanan nga ang labing mahinungdanon mao ang himsog ug malipayong pagtubo sa ilang anak. Kini nga hitabo nagsilbing pahinumdom nga ang kasaysayan sa kaliwat mahimong mopakita og wala damhang kaanyag sa umaabot nga kaliwatan.