Nagpaabot karon sa pinal nga kumpirmasyon ang giingong 21 ka mga empleyado sa Lokal nga Pangagamhanan sa Malaybalay human nagpositibo sa inisyal nga resulta sa gipahigayon nga random drug test sa miaging bulan.
Sumala ni Jonah Ronolo, ang Focal Person sa City Anti-Drug Abuse Council (CADAC) , sa kapin 3,500 ka mga opisyal ug empleyado nga gipaubos sa drug test niadtong Abril, duna’y 21 ang wala nakapasar sa inisyal nga screening. Giklaro ni Ronolo nga gipapahulay na una sa trabaho ang mga nasangpit samtang ginahulat ang confirmatory test result nga posibleng mugawas sulod sa usa ka bulan.
Dili usab awtomatikong tangtangon sa serbisyo ang mga magpositibo, kondili ipailalom una sila sa rehabilitasyon ug uban pang intervention programs. Ang maong kinalit nga drug test maoy dakong hinungdan sa pagmintinar sa drug-free workplace sa gobyerno, samtang nag-ung-ong pa ang pinal nga resulta ug nagbitay pa sa kasamtangan ang kapalaran sa trabaho sa maong mga empleyado.