Pinakadakong pool party sa tibuok kalibutan alang sa mga iro, gihimo sa usa ka parke sa Florida

Nagpundok ang gatosan ka mga iro sa usa ka parke sa Florida, USA, aron saksihan ug salmotan ang giila nga labing dako nga pool party alang sa mga mananap sa tibuok kalibutan. Ang maong kalihokan gihimo aron maglingaw-lingaw ang mga iro ug ang ilang mga tag-iya samtang nagpabugnaw sa tubig.

Nagkalain-laing matang ug gidak-on sa mga iro ang nakit-an nga naglangoy-langoy ug nagdula sa pool, nga nagpakita sa talagsaon nga panaghiusa sa mga pet lovers. Gawas sa kalingawan, ang maong okasyon nagtumong usab sa pag-promote sa kaayohan sa mga mananap ug paghatag og higayon sa mga tag-iya nga makahimamat og bag-ong mga higala nga aduna sa’y susamang gugma sa mga iro.