Miabot na sa Senado ang Articles of Impeachment batok kang Vice President Sara Duterte niadtong Miyerkules sa gabii.
Sumala sa report, ang mga dokumento gidala pinaagi sa convoy gikan sa House of Representatives ug gidawat sa Senado bisan pa sa tensyon sulod sa palibot sa Senado.
Gikumpirma kini ni House Secretary General Cheloy Garafil nga nadawat na ni Senate Secretary Renato Mendoza ang Articles of Impeachment gikan sa House of Representatives of the Philippines.
Sa plenaryo, mipasar ang Kamarabaha sa impeachment nga nakakuha og 257 “yes” votes, 25 “no” votes, ug siyam ka abstentions, nga nagpasabot sa kusganong suporta sa pagpadayon sa kaso.
Kahinumduman, nga niadtong 2025 unang gi-impeach si Duterte sa Kamarabaha human nakakuha og 215 ka boto, apan gibasura kini sa Supreme Court nga miingon nga dili kini konstitusyonal.
Ang House Justice Committee nagsugod sa ilang impeachment hearings niadtong Marso 25, diin wala mitambong si VP Sara.
Karong higayona, ang Senado maoy mahimong impeachment court ilawom sa pagdumala ni Senate President Alan Peter Cayetano nga miingon nga ang Senado mag-convene “forthwith” human madawat ang Articles of Impeachment.
Sa pikas bahin, sigon sa legal team ni VP Sara nga andam sila sa pagdepensa sa Bise Presidente sa Senate impeachment trial.