Peter Haynes, mahimong bag-ong abogado ni kanhi-Pres. Rodrigo Duterte sa ICC

Gikumpirma nga ang eksperto nga abogado nga si Peter Haynes mao na ang modala sa depensa ni kanhi Presidente Rodrigo Duterte atubangan sa International Criminal Court (ICC). Kini may kalambigitan sa nagpadayon nga imbestigasyon sa ICC mahitungod sa “war on drugs” sa panahon sa administrasyong Duterte.

Si Haynes usa ka inilang abogado nga duna’y halapad nga kasinatian sa mga kasong internasyonal ug kaniadto pa nakadumala og mga dagkong legal nga isyu sa tibuok kalibutan. Gilauman nga ang iyang kahanas makatabang sa pagtubag sa mga alegasyon batok sa kanhi presidente. Bisan pa niini, nagpabilin ang baruganan sa kampo ni Duterte nga dili sila moila sa hurisdiksyon sa ICC dinhi sa Pilipinas.