Gilauman sa obispo sa diocese sa Malaybalay nga magpadayon ang mga prinsipyo sa kalinaw, pagkahiusa, ug pagbati sa laing tawo nga gisugdan ni Pope Francis human nga hingpit ng gituboy si Pope Leo XIV isip hulip kang Pope Francis.
Gani, sumala pa kang Bishop Noel Pedregosa, obispo sa Diocese of Malaybalay nga daghang hagit sa mga isyu sa pagkahiusa sa simbahan, mga isyu sa pagpangabuso, paguswag sa simbahan sa kasadpan, ug ang pag-atubang sa kinatibuk-ang isyu sa katilingban ang usa lamang mga angay hatagan matud pa og pagtagad sa bag-ong santo papa.
Sa pagkighinabi sa Bombo Radyo Malaybalay Bukidnon kang Bishop Pedregosa nga masaligon kini ug dako ang iyang suporta kang Pope Leo the XIV.
Dugang pa sa obispo, nga nagdahom kini nga pagapuy-an sa espirituhanong dugo ni San Agustine, katolikong obispo, teologo, nga niduso kaniadto sa mga relihiyosong tradisyon ang santo papa.