Mitubag na ang palasyo labot sa gidusong impeachment case batok kang Pres. Ferdinand Marcos Jr.
Sumala pa nga igo lamang mituman ang pangulo ug ang administrasyon sa balaod ug pagpangutangdanan niini isip opisyal sa gobyerno, sigon ni Palace Press Officer Claire Castro.
Kahinumdumang giduso nila ni National Youth Commission chairman Ronald Cardema ug asawa niining si Duterte Youth Rep. Drixie Mae Cardema gumikan matud pa sa pagtugot sa pangulo nga ibalhin ang kustodiya sa kanhing pangulo ngadto na sa mga langyaw, alegasyong culpable violation sa konstitusyon ug betrayal of public trust.
Gani, gumikan niini, dunay tambag si Castro ngadto sa magtiayong nagduso sa maong kaso na mas labing maayo matud pa nga makapanday og daghanang sugyot balaudnon ang nahisgutan inay nga unahon ang pagduso sa maong kaso.
Apan, pakyas sa magtiayon nga maduso ang kaso gumikan wala sa iyang opisina ang solicitor general ug gikatakdang mubalik sa sunod nga semana.
Sa pikas bahin, gikwestiyon sa pipila ka mga kongresista ang timing sa pagduso sa maong kaso ilabi na nga nagkaduol na ang adlaw sa piniliay.
Gani, nahibulong matud pa ang ubang magbabalaod og nganong ang pangulo ang ginainitan nga wala matud pa kini nagpapili karong eleksiyon.
Apan, gibutyag ni Rep. Jude Acidre nga wala nay saktong oras aron tuikon o matagad kini sa mga kongresista.
Kahindumdumang gibarugan gayod sa bise presidente nga gikinahanglan gayod nga manubag ang pangulo sa pagpa-aresto kang kanhing Pang. Duterte rason nga ang maong lakang makonsiderang ‘impeachable offense’.