Gikalipay sa daghanang mga misyonaryong Augustinian nga nakabase sa Pilipinas ang pagtuboy sa bag-ong Santo Papa Leo XIV nga mihulip kang kanhing Pope Francis isip lideres sa simbahang katolika.
Lakip ang nasud sa Pilipinas ang nakisadya sa maong kalampusan diin aduna nay bag-ong lider ang simbahang Katolika nga mudumala niini uban ang paglaum sa usa ka malambuon nga panaghiusa sa pagtuo ug paghinigalaay.
Ang bag-ong Santo Papa gikaingong duol sa kasingkasing sa mga Pilipino diin kahinumduman nga mitugpa na kini sa Pilipinas pipila na katuig ang milabay ayha kini nahimong Santo Papa. Si Pope Leo XIV, nga kaniadto si Cardinal Robert Prevost, nakabisita na sa Pilipinas sa dihang pari pa kini.
Kini nga mga reaksyon sa mga Pilipino sa pagkapili ni Pope Leo XIV nagpasabot og nagkadaiyang pagbati sa kuryosidad, optimismo, ug pagpamalandong, ilabina tungod sa iyang kanhing koneksyon sa nasud.
Ang maong kalihukan usa ka importanteng lakang nga giniyahan sa espiritu ug pagbuot sa dios matud pa ni Fr. Gilbert Eric QuiQui bisan paman nagkalain-lain ang reaksiyon ug pagbati sa katawhan.