Usa ka lalaki gikan sa Illinois, USA nga giila nga si Daniel Park, nakatala og bag-ong rekord sa Guinness World Records tungod sa iyang dako nga koleksyon sa mga dulaang Bearbricks.
Miabot sa 3,482 ka piraso ang iyang nakolekta nga mga plastic figures, diin opisyal kini nga nakumpirma niadtong Marso. Si Park, nga nailhan usab sa social media isip “BrickChicago,” nagsugod sa iyang hilig lima ka tuig na ang nakalabay human siya nakakuha og usa ka “blind box.”
Matud ni Park, ang iyang koleksyon naglakip sa mga karakter gikan sa pop culture, mga sikat nga atleta, musikero, ug mga obra sa bantog nga mga pintor. Gihimo niya kini aron pamatud-an sa iyang mga anak nga pinaagi sa disiplina ug kakugi, ang usa ka yano nga kalingawan mahimong usa ka world-class nga garbo.