- Advertisement -
Misaka ang presyo sa lana sa world market sa ikatulo nga adlaw sa trading, hinungdan nga dako ang posibilidad nga mosaka usab ang presyo niini sa Pilipinas sunod semana.
Kini nahitabo human gideklarar ni US President Donald Trump nga anaa sa delikadong kahimtang ang “peace talks” tali sa Amerika ug Iran. Sa unang tulo ka adlaw sa trading, mao kini ang natala nga lihok sa presyo:
- Diesel: Saka og P1.90/L
- Gasolina: Saka og P0.75/L
- Kerosene: Niubos og P0.20/L
Bisan pa niini, matud ni Leo Bellas, Presidente sa Jetti Petroleum, aduna pay nahabilin nga duha ka adlaw sa trading busa dili pa hingpit nga sigurado ang pagsaka sa presyo. Nagpaabot usab ang merkado sa resulta sa panagtagbo nila ni President Trump ug Chinese President Xi Jinping didto sa Beijing aron masuta ang dagan sa ekonomiya ug presyo sa lana.
- Advertisement -