Miangkon si Gerald Anderson nga single siya karon ug gipili una niyang tutokan ang kaugalingon sa dili pa mosulod pag-usab sa usa ka relasyon.
Sumala sa aktor nga gusto una niyang mahimong mas maayong partner, anak, igsoon, ug provider pinaagi sa paghatag og panahon sa personal nga pagtubo ug pagpaayo sa iyang kaugalingon.
Matud ni Gerald, kabahin kini sa iyang plano alang sa kaugmaon tungod gusto niining mahimong “best version” sa iyang kaugalingon sulod sa sunod lima ka tuig.
Dugang usab niini nga importante alang kaniya ang self-focus aron mas maandam siya sa responsibilidad ug seryosong relasyon sa umaabot.
Sa pagkakaron, mas gipili sa aktor nga unahon ang personal development ug pagtukod sa kinabuhi nga iyang gihandom kaysa mosulod dayon og bag-ong romansa.