Mipakita og kusgan nga performance si Victor Wembanyama aron tabangan ang San Antonio Spurs nga makadaug og 126-97 batok sa Minnesota Timberwolves sa Game 5 sa Western Conference semifinals, ug karon usa na lang ka daog ang kulang aron makaabot sila sa conference finals.
Nibalik si Wembanyama sa duwa human sa suspension tungod sa iyang ejection sa miaging game. Sa iyang pagbalik, miscore kini og nakakuha og 27 puntos, 17 rebounds, 5 assists, ug 3 blocks, nga nagpakita sa iyang dominance sa offensive ug defensive end.
Sa unang quarter pa lang, nakapuntos siya og 16 puntos nga nakatabang sa Spurs nga makakuha og dako nga abante nga 24-9, nga ilang gidala hangtod sa tibuok duwa.
Dako usab ang kontribusyon sa ubang players sa Spurs, diin unom ka manlalaro ang naka-double figures—lakip si Keldon Johnson (21 points), De’Aaron Fox (18 points), ug Stephon Castle (17 points).
Tungod sa kadaogan, nanguna ang Spurs sa serye 3-2 ug naa na sila sa abante nga posisyon sa best-of-seven series.
Sumala ni Wembanyama nga nakabuhat sila sa kinahanglan buhaton sa ilang home court, pero nagpahimangno siya nga “dili pa mahuman ang trabaho” gumikan kinahanglan pa nila modaog sa Game 6 aron makasulod sa Western Conference Finals.