Gipahayag ni Pangulong Ferdinand Marcos Jr. nga wala pa siyay nakitang panginahanglan sa pagpapatuman og mandatory repatriation alang sa mga Pilipinon diin naa sa Israel ug Iran.
Gibutyag sa Pangulo ang maong pahayag sa nagpadayon nga tensiyon sa duha ka nasud sa Middle East ug Israel .
Gipasabot ni Marcos nga gibilin una nila sa desisyon sa mga indibidwal o pamilyang Pilipino sa nasud sa Israel ug Iran kung buot ba nilang mopauli sa Pilipinas o magpabilin.
Gisiguro sa Pangulo nga nakatutok ang gobyerno sa kahimtang sa mga kababayan sa duha ka nasod.
Gikumpirma usab sa Presidente nga nakontak na ang mga Pilipino sa Iran ug Israel ug nakuha na ang ilang mga baruganan.
Daghan nga mga pilipino ang gipili niini nga magpabilin una sa maong nasud.
Gipasiugda sa Pangulo nga usa sa mga hagit karon mao ang pagkaguba sa daghang tugpahanan tungod sa kagubot, hinuon nangita karon og alternatibong mga ruta ang kagamhanan aron matabangan kon kinsa ang mapauli sa atong nasud, gumikan wala pay mandatory Repatriation order ug dili pa kinahanglanon matud sa presidente.