Opisyal nang mobalik sa Pilipinas ang sikat nga cgroup nga BTS alang sa ilang most-awaited “ARIRANG” World Tour nga ipahigayun sa Philippine Sports Stadium sa Bulacan karong Marso 13 ug 14, 2027.
Gianunsyo ang comeback concert sa grupo nga gilangkuban nila RM, Jin, J-Hope, Jimin, Suga, V, ug Jungkook, nga siguradong makapalipay sa mga Pinoy ARMY.
Mas espesyal ang concert karong tuiga gumikan mogamit sila og 360-degree stage setup aron mas immersive ug mas lapad ang viewing experience sa mga fans.
Gipagawas usab ang official seat map ug mga fan perks.
Ang VIP Soundcheck tickets nagkantidad og ₱25,000, samtang ₱20,000 ang Floor Standing, ₱13,500 ang Bleachers 1, ug ₱7,500 ang Bleachers 2.
Lakip sa benepisyo sa VIP Soundcheck ticket holders ang access sa pre-show soundcheck party, VIP laminate ug lanyard, early entry, sayong access sa merchandise, ug exclusive VIP gift.