Babaye nasikop tungod sa giingong pagbaligya og sigarilyo nga walay graphic health warning sa Baungon, Bukidnon

Nasikop sa Baungon Municipal Police Station ang usa ka 55-anyos nga babaye sa gihimong operasyon sa Purok 4, Barangay Salimbalan, Baungon, Bukidnon batok sa giingong smuggled cigarettes nga walay Graphic Health Warning.

Sa maong operasyon, nasakpan ang babaye nga residente sa lugar samtang nag-display ug nagbaligya sa mga sigarilyo sa iyang tindahan.

Nasakmit gikan kaniya ang tulo ka ream sa usa ka brand sa sigarilyo nga walay Graphic Health Warning stickers, nga nagkantidad og ₱2,400.

Ang nadakpan nga babaye ug ang mga nakumpiskar nga sigarilyo gilayon giturn-over sa Municipal Health Office sa Baungon alang sa hustong disposisyon.