Gipaambit sa OPM singer nga si Rico Blanco nga bukas pa gihapon siya sa ideya sa pagpakasal ug paghimo og bag-ong relasyon, basta husto lang nga tawo ang iyang makaila.
Sa usa ka interview, giangkon ni Rico nga single kini karon human sa ilang pagbulag ni Maris Racal niadtong Hulyo 2024, apan wala niini gisirad-an ang kasingkasing sa gugma. Matud niini, kung magpakasal man ugaling kini, kinahanglan nga sa saktong tawo ug dili tungod sa pressure o obligasyon, ilabi na sa iyang pangidaron.
Mapasalamaton usab kini tungod kay nakasabot ang iyang pamilya sa iyang sitwasyon ug wala siya gipugos nga magminyo.
Sa samang pamahayag, gipaambit ni Rico ang iyang nakat-onan sa nangaging relasyon—nga kinahanglang ihatag ang tibuok kaugalingon sa pagmahal aron walay pagbasol, bisan pa man og lisod ang pagbalik og sugod human sa kaguol.