Lalaki napusilan human manunggab og pulis sa Kibawe Public Terminal

Napusilan ang usa ka 29 anyos nga lalaki human misulong og manunggab sa pulis pasado alas 12:50 sa kaadlawon, niadtong milbayng adlaw sa Kibawe Public Terminal, Kibawe, Bukidnon.

Sumala sa Bukidnon Police Provincial Office, nakadawat og report ang Kibawe Municipal Police Station bahin sa usa ka nag-amok nga lalaki nga armado og kutsilyo. Sa pag-abot sa mga pulis, misupak ang suspek ug kalit nga misulong sa usa ka opisyal. Napugos ang pulis sa pagpusil nga gitumong sa paa aron mapugngan ang pag-atake.

Naangol ang suspek sa tuo nga paa ug gidala dayon sa balay tambalanan diin anaa na sa lig-on nga kahimtang. Gipasaka na ang kaso nga direct assault samtang nagpadayon ang imbestigasyon.