Gipanalipdan sa Malacañang ang migawas nga pamahayag ni Presidente Ferdinand Marcos Jr. kalabot sa giingong pagkadakop kang kanhing House Appropriations Panel Chair Zaldy Co sa Czech Republic.
Sumala ni Palace Press Officer Claire Castro, sakto ang impormasyon sa Presidente nga anaa sa kustodiya sa Czech authorities ang kanhing mambablaod.
Giklaro ni Castro nga bisan pa man og wala kini tawga og “official arrest” sa Department of Justice (DOJ), klaro matud pa nga gipugngan ang paglihok ni Co sa maong nasud.
Gipasabot usab sa opisyal nga ang terminong “nadakpan” nga gigamit sa Presidente usa ka kinatibuk-ang termino nga nagpasabot sa paglimit sa kagawasan sa usa ka tawo.
Gipasabot usab ni Castro nga ang pulong nga “nadakpan” nga gigamit sa Presidente kinatibuk-ang termino ug mahimong magpasabot sa pagpugong o paglimit sa lihok, ug dili kinahanglan nga legal gyud nga pag-aresto.
Sa pikas bahin, giduso niini nga walay “premature” sa giingon bahin sa pagkaka-detain sa kanhing chair sa House appropriations panel nga si Zaldy Co sa Czech Republic nga gipasibya sa pangulo.