Gikumpirma sa aktres nga si Klea Pineda nga buwag na sila sa iyang long-time partner nga si Katrice Kierulf.
Direkta nga gitubag ni Klea ang pangutana mahitungod nila sa iyang kanhi karelasyon atol sa usa ka interbyu nga gisalmutan niini.
Matud sa aktres, mutual decision ang ilang panagbulag, gumikan aduna silay tagsa-tagsa ka prayuridad nga kinahanglan atubangon.
Dugang pa niini, gusto niya unahon ang iyang kaugalingon susama usab ang kanhing karelasyon.
Dugang pa ni Klea, nga sulod sa tulo ka tuig nila nga relasyon, naabot na sila sa punto nga dili na nila matabangan ang usag usa busa nagkasinabot sila nga magbuwag sa maayong kabubut-on.
Gipadayag ni Klea nga lisod ug bug-at sa kasing-kasing ang nahimong nilang desisyon apan wala kini nagbasol sa tanan nilang giagian, gumikan daghan sila nabatunan ug nakatabang kini sa ilang duha nga mulambo sa ilang tagsa-tagsa ka kinabuhi.
Gipamatud-an sa aktres nga walay problema sa relasyon apan naa lang mga aspeto sa kinabuhi nga kinahanglan nila unahon ang ilang kaugalingong kahimtang.
Sa pagkakaron padayon ang respeto sa matag usa samtang naninguha sa nagkaiyang proseso sa kaayuhan.
Gikumpirma usab ni Klea nga usa ka buwan na ang milabay sukad sila opisyal nga nagbulag, ug nagpangayo siya og permiso kang Kat nga mohisgot sa ilang kahimtang sa publiko.