Arestado sa mga otoridad ang usa ka wanted person human kini malampusong nadakpan sa gipahigayon nga joint police operation sa Magsaysay Street, Barangay 2 sa dakbayan sa Malaybalay kagahapong adlawa. Giila ang dinakpan nga si Nemuel Cloma Abejuela, 38-anyos ug residente sa maong dapit. Ang pagdakop sa suspek gipangunahan sa mga personahe sa Malaybalay City Police Station subay sa gipagawas nga warrant of arrest batok kaniya.
Giatubang ni Abejuela ang kasong Attempted Murder ubos sa kamanduan nga gipagawas pa niadtong Marso 2021. Girekomenda sa korte ang piyansa nga mobalor sa โฑ94,000 alang sa iyang temporaryong kagawasan.Sa pagkakaron, nagpabilin na ang dinakpan sa custodial facility sa Malaybalay City Police Station alang sa gikinahanglang dokumentasyon ug saktong disposisyon sa balaod.