Nakakuha og dako nga pagtagad sa red carpet ang Pinay tennis sensation nga si Alex Eala, dili tungod sa iyang kusog nga palo sa bola, kondili tungod sa iyang kaanyag ug elegante nga pagdala sa iyang Filipiniana outfit.
Sa bag-ohay lang nga 2026 Laureus World Sports Awards nga gipahigayon sa Madrid, Spain, rumampa si Eala suot ang usa ka soft cream Filipiniana gown nga adunay detachable bolero ug ang iconic nga butterfly sleeves. Midugang sa iyang pagka-agaw-panan-aw ang iyang soft wavy curls ug mga alahas nga adunay orange gems, lakip na ang iyang tennis bracelet nga naghatag og mas classy nga dating sa internasyonal nga panon sa katawhan.
Gawas sa iyang pag-pabida sa red carpet, busy usab si Eala sa iyang sports calendar. Nakatakda siyang mosalmot sa Madrid Open (Abril 21–Mayo 3), sundan sa Rome Open (Mayo 5–17), ug nalakip usab sa WTA 125 Parma Ladies Open didto sa Italy (Mayo 11–16).
Ang Laureus Awards, nga nailhan usab isip “Oscars of Sports,” usa ka tinuig nga prestihiyosong kalihukan sukad pa niadtong 2000 diin ang mga mananaog pilion sa Laureus World Sports Academy gikan sa mga nominado nga gi-vetted sa global media.