Andam na ang Pinay tennis star nga si Alex Eala sa iyang kampanya sa Madrid Open karong adlawa, Abril 22, 2026, diin dungan siyang mosabak sa singles ug doubles categories.
Sa singles division, makasangka ni Eala ang beteranong Russian player ug kanhi world No. 11 nga si Anastasia Pavlyuchenkova. Kini usa ka dakong hagit alang sa batan-ong Pinay tungod sa kasinatian sa iyang kaatbang sa mga dagkong torneyo.
Samtang sa doubles category, makig-partner si Eala kang Zeynep Sonmez sa Turkey. Gikatakda nilang hulaon ang kusog sa ilang teamwork batok sa mas eksperyensiyadong mga parisan sa maong torneyo.
Kini nga partisipasyon ni Eala sa Madrid Open usa sa iyang mga lakang aron mas mapataas pa ang iyang world ranking ug mapalig-on ang iyang ngalan sa kalibutan sa professional tennis. Gilauman nga makuha sa Pinay sensation ang suporta sa mga Filipino fans samtang ginasulay niya ang iyang abilidad batok sa mga elite players sa tibuok kalibutan.