Opisyal na nga giila sa Guinness World Records ang usa ka binuhing manok sa Portland, Maine isip kamagulangan o labing talamayong manok nga buhi sa tibuok kalibutan.
Ang maong manok nga si Gertie, usa ka Golden Sebright, niabot na sa edad nga 15 ka tuig ug 100 ka adlaw.
Si Frank Turek ang nag-atiman kang Gertie sukad pa niadtong 2010, sa dihang bag-o pa lang kini napusa.
Matud pa ni Turek, daling mipatigbabaw ang makidlap nga balhibo ni Gertie ug nahimo kining “pinaka-photogenic” sa iyang pundok.
Bisan tuod gamay kini nga matang sa manok, si Gertie ang nahimong lider sa ilang grupo.
Pipila ka tuig ang milabay, nagsugod og kalubog ang panan-aw ni Gertie, hinungdan nga gibalhin kini ni Turek sa usa ka pribadong tangkal sa sulod sa balay niadtong 2024 aron malikayan ang panag-away sa mas batan-ong mga manok.
Taliwala niini, malipayon kuno si Gertie sa iyang bag-ong kinabuhi ug ganahan gihapon makig-“estorya” sa mga tawo pinaagi sa iyang malambing nga tingog.