Nagpaambit sa iyang grasya ang aktres ug host nga si Kim Chiu ngadto sa mga tricycle driver isip kabahin sa iyang pagsaulog sa adlawng natawhan. Namahagi ang aktres og libreng gasolina ug grocery packs sa mga drayber nga naglinya.
Sa iyang social media post, gipakita ni Kim ang iyang kalipay sa paghimo og birthday charity alang sa mga jeepney ug tricycle driver. Nailhan si Kim sa paghimo og mga charity initiatives matag birthday niya, sama sa pagtabang sa mga Aeta kaniadto ug paghatag og materyales sa konstruksyon sa mga biktima sa linog sa Cebu.
Nagpadayag usab og pasalamat ang mga drayber tungod kay dako kini og tabang ilabi na sa nagpadayon nga pagsaka sa presyo sa lana. Karong tuiga, gisaulog ni Kim ang iyang ika-36 nga kaarawan nga puno sa pagpasalamat ug panghinaot alang sa tinuod nga kalipay.