Dili na gayud angay ikaulaw ang pagpagawas og “hangin sa kalawasan” tungod sa usa ka talagsaon nga imbensyon gikan sa Gesvres, France.
Usa ka imbentor nga giilang si Christian Poincheval ang nakamugna og gitawag nga “fart pill”—usa ka kapsula nga gidesinyo aron himuong humot ang baho sa utot!
Giimbento kini ni Christian Poincheval ang gitawag nga “fart pill” human kini naulawan atol sa usa ka panihapon uban sa iyang mga higala.
Gihimo gikan sa natural nga mga sagol, ang kapsula nga adunay lain-laing baho sama sa rosas, tsokolate, ug ginger. Ingon man nga tumong usab niini nga makunhuran ang bloating ug gas, ug anaa na kini online, lakip ang bersyon alang sa mga iro.
Apan, nagpahimangno ang mga eksperto nga ang epekto sa maong kapsula magdepende gihapon sa diet ug kondisyon sa panglawas sa usa ka tawo.