Gibatikos sa usa ka eksperto sa balaod ang bag-ohay lamang nga gipagawas nga pamahayag ni Speaker Martin Romualdez kalabot sa mga pasangil sa korapsyon sa flood control projects.
Matud ni Atty. Eddie Cuaresma, kanhi presidente sa Integrated Bar of the Philippines (IBP) Bukidnon, kinahanglan nga magmatinud-anon ang Speaker ug mogawas sa publiko aron tubagon ang mga seryosong isyu.
Gisaway sa maong abogado ang posibleng kalambigitan sa mga dagkong institusyon sama sa House of Representatives ug Senado.
Matud niini , “next logical” nga tawong angay pangutan-on mao si Romualdez tungod kay imposible nga “maluto” o mapalusot ang budget sa Pilipinas kon wala ang pirma ug pagtugot sa Speaker sa Ubos Balay-Balauran.
Taliwala sa paglimud ni Romualdez nga wala kini kalabotan sa maong mga anomaliya, dako ang pagtuo ni Cuaresma nga adunay dakong tinagoan luyo sa mga proyekto nga gipundohan og bilyon-bilyong pesos apan wala makita sa ground.
Gipunting usab niini ang papel sa presidente sa maong isyu ug gipahinumdoman sa abogado ang mga public officials nga ang “public office is a public trust” ug gikinahanglan ang labing taas nga matang sa accountability ug responsibilidad.
Matud niini, bisan og adunay “presumption of innocence” si Speaker Romualdez sa pagkakaron, dili malikayan nga maapil ang iyang ngalan, direkt man o dili, tungod sa iyang posisyon isip Speaker sa Ubos Balay-Balauran.
Gipahinumdoman sa abogado ang mga public officials nga ang “public office is a public trust” ug gikinahanglan ang labing taas nga matang sa accountability ug responsibilidad.
Matud niya, bisan og adunay “presumption of innocence” si Speaker Romualdez sa pagkakaron, dili malikayan nga maapil ang iyang ngalan, direkt man o dili, tungod sa iyang posisyon isip Speaker sa Ubos Balay-Balauran.