Nagpadangat sa ilang mulo ang pipila ka grupo sa mga sektor sa transportasyon nga dili igo ang ā±13.00 nga pletehan sa motorela sa Malaybalay City.
Sa pakighinabi sa Bombo Radyo malaybalay, gipadayag ni Marlon Igpit, presidente sa Motorela Federation, nga dako na ang epekto sa pagsaka sa presyo sa lana sa ilang panginabuhi, hinungdan nga naglisod na ang mga drayber ug operator sa pagtabon sa adlaw-adlaw nga gastuhan.
Dugang pa niini, ang kasamtangang pletehan gi-aprubahan sa panahon nga ubos pa ang presyo sa gasolina, busa dili na kini angay sa karon nga kahimtang sa ekonomiya.
Tungod niini, nanawagan ang maong sektor sa lokal nga panggamhanan nga ipatuman ang bag-ong fare matrix ug hatagan sila og provisional authority aron legal nga makapasaka sa pletehan samtang nagpaabot pa sa pinal nga desisyon sa konseho.
Subay niini, gipanawagan usab ni Marlon nga tan-awon pag-ayo ang kahimtang sa sektor sa transportasyon, ilabi na sa mga drayber sa motorela nga direktang naapektuhan sa pagsaka sa presyo sa lana.
Matud pa sa federasyon, sanglit masuspinde ang excise tax bisan sa temporaryong panahon, dako kiniāg ikatabang aron moubos ang presyo sa gasolina ug makunhuran ang ilang gastuhan sa adlaw-adlaw.
Taliwala sa maong isyu ug hisgutanan, gipaambit usab niini nga walay plano ang ilang gruponga mosalmot sa mga protestant kalihukan batok sa kagamhanan aron manawagan nga pasakaan ang pletehan sa mga pampasaherong sakyanan gumikan wala man sila pasagdi sa lokal nga kagamhanan.