₱1.39-M nga balor sa shabu nasabat; Courier sa Misamis Occidental, dakpan!

Nadakpan sa mga operatiba sa Plaridel Municipal Police Station ang usa ka 26-anyos nga courier nga giila sa  alyas “Harries” human nakuhaan og kapin ₱1.39 milyon nga balor sa gituohang shabu sa Brgy. Southern Poblacion.

akuha gikan sa suspek, nga residente sa Lanao del Norte, ang gibana-banang 205 gramos nga ilegal nga droga nga nakatago sa usa ka kahon human kini milihok og kaduda-duda sa maong dapit.

Misulay pa og ikyas ang suspek apan daling nasikop sa kapulisan uban ang narekober nga sobra 40 ka sachet sa shabu ug cash nga mobalor og ₱1,500.

Sa pagkakaron, pasakaan na og kasong paglapas sa Republic Act 9165 ang suspek samtang ginasusi pa sa mga otoridad ang lawom nga koneksyon niini sa mas dako nga drug network sa rehiyon.