Mibiyahe na paingon sa India ang beauty queen nga si Jasmine Omay aron i-reperesenta ang Pilipinas sa umaabot nga Universal Woman 2025 pageant.
Gi-eskedyul pag-usab ang kompetisyon human kini ma-postpone kaniadtong Hunyo gumikan sa tensiyon tali sa India ug Pakistan, hinungdan nga nausab ang orihinal nga petsa sa pageant.
Si Omay gimandato nga mahimong opisyal nga representante sa Pilipinas niadtong Marso, human ma-disqualify si Sophia Bianca Santos sa age requirement.
Si Omay ang nahimong First Princess sa Miss World Philippines 2024, samtang si Santos mopadayon sa iyang journey sa laing international pageant, ang Miss Elite sa Egypt.
Subay niini, laing Pinay usab nga musalmot sa maong kompetisyon mao si Keylyn Trajano, usa ka transgender model nga taga-Pampanga, nga mubarog sa entablado isip representante sa Arabia.
Sa pagkakaron, ang reigning Universal Woman mao si Maria Gigante, ang unang Filipina nga nakadaog sa maong international crown, diin gikatakdang mubiya sa iyang trono karong Agosto 10 nga hulipan sa bag-ong mamanaog sa natad sa pageantry.
Gipaabot sa mga fans ang suporta kang Omay, nga may dalang dako nga paglaum nga masundan ang kadaugan ni Gigante ug mapabilin sa Pilipinas ang korona sa Universal Woman.