Gisugyot sa nasud sa Iran ang pagpaningil og bayad sa mga barkong moagi sa Strait of Hormuz isip kabahin sa tanyag aron tapuson ang tensyon tali sa Estados Unidos ug Israel.
Matud pa sa taas nga opisyal sa Tehran, tinguha niini nga malakip sa usa ka permanenteng kasabutan ang katungod sa pagpahamtang og bayad base sa matang sa barko ug kargamento niini.
Dugang pa niini, nagtinabangay ang Iran ug Oman sa paghimo og regulasyon nga mag-obligar sa mga barko nga mokuha og permit sa dili pa makalabang aron masiguro ang hapsay nga dagan sa trapiko sa dagat.
Samtang gipahugtan sa Islamic Revolutionary Guard Corps ang pagbantay sa maong dapit, nanggula ang mga taho nga aduna na’y barko nga nagbayad og $2 million aron lang makatabok, apan wala pa kini pormal nga kumpirmasyon hangtod karon.