Gideklara sa House Committee on Justice ning adlawa’ng Lunes nga ang duha ka impeachment complaints batok kang Presidente Ferdinand “Bongbong” Marcos Jr. nga sufficient in form.
Ang mga myembro sa panel mibotar og 46-1-1, nga nakakita og igong basehanan sa pagpadayon sa pagdungog sa unang impeachment raps nga gisang-at ni Atty. Andre De Jesus.
Sa maong complaint, giakusahan si Marcos nga nagtraydor sa pagsalig sa publiko pinaagi sa pagmando ug pagtugot sa pagkidnap ug pagtugyan kang kanhi Presidente Rodrigo Duterte ngadto sa International Criminal Court kon ICC.
Giakusahan usab ang Presidente sa graft and corruption nga naglambigit sa mga kickback ug ghost projects.
Sigon ni ACT Teachers Partylist Rep. Antonio Tinio, nga ang Presidente “like father, like son”, gumikan sa unang tulo ka tuig niini sa pagdumala sa nasud, gatusan na ka bilyon nga pondo ang nalambigit sa flood control corruption scandal.
Sa laing bahin, ang panel mibotar usab og 35-9-1 aron ideklara nga sufficient in form ang ikaduhang impeachment complaint.
Ang Liza Maza et. al. misang-at sa ikaduhang impeachment complaint batok kang Marcos, nga nag-ingon sa pagtraydor sa pagsalig sa publiko sa pipila ka mga isyu nga naglambigit sa nasudnong budget.
Sigon usab ni Pusong Pinoy Party-list Rep. Jett Nisay, nagtuo kini nga adunay igong ebidensiya nga makasuporta sa gi-endorso niini nga impeachment complaint batok ni Pres. Bongbong Marcos gipasaka ni Atty. De Jesus