Pormal nang gisaka sa korte sa Department of Justice (DOJ) ang kaso batok sa kontratista nga si Sarah Discaya tungod sa tax evasion o dili pagbayad sa hustong buhis.
Matod sa DOJ spokesperson nga si Atty. Polo Martinez, nadeterminar sa panel of prosecutors nga adunay prima facie evidence nga nagpakita og reasonable certainty of conviction, hinungdan nga gipasaka ang 4 counts nga kaso sa tax evasion batok kaniya alang sa taxable years 2020 ug 2021.
Gipasaka ang kaso opisyal sa Court of Tax Appeals niadtong Pebrero 3, 2026.
Nalakip usab sa reklamo ang bana ni Sarah nga si Pacifico “Curlee” Discaya II, apan gipahulat sa korte ang pagsaka sa kaso batok kaniya tungod sa gi-file nga motion for reconsideration.
Sa pagkakaron, nagpaabot ang panel of prosecutors sa komento sa Bureau of Internal Revenue (BIR) samtang nagpadayon ang preliminary investigation.