Gipasalig sa buhatan Bukidnon Electric Cooperative, Incorporated (BUSECO) nga nagpabiling stable ug bastante ang suplay sa kuryente sa tibuok lalawigan sa Bukidnon, taliwala sa grabe nga kainit sa panahon nga nasinati karon.
Matud ni Christopher A. Dulfo, ang General Manager sa BUSECO, nga dili angay kabak-an sa konsumidor ang suplay bisan apektado ang produksyon sa kuryente gikan sa hydroelectric power sources tungod sa kakuwang sa ulan niining ting-init, hinungdan nga dili niini hingpit nga masustinihan ang taas nga demand sa mga konsumidor.
Aron matubag ang maong kakulangan, mibak-ap ang kooperatiba pinaagi sa paggamit ug pag-maximize sa mga non-renewable energy sources.
Gumikan niini, gipahibalo usab ni Dulfo nga adunay gamay nga pagsaka sa generation charge sa bayranan sa kuryente apan padayon ang paningkamot sa ilang buhaton sa pagpangita og pamaagi aron makabsan ang bayranon sa katawhan.