Gikumpirma sa United Arab Emirates (UAE) nga ang mga drone nga miatake sa Barakah nuclear power plant niini niadtong miaging semana naggikan sa Iraq, butang nga nagdala og kabalaka sa seguridad sa rehiyon taliwala sa nagpadayong tensyon sa Middle East.
Nahitabo ang maong insidente niadtong Dominggo, Mayo 17, sa dihang dihay usa ka drone nga mibuto sa usa ka electrical generator duol sa planta sa Abu Dhabi.
Miresulta kini sa sunog apan walay gitaho nga naangol o kontaminasyon sa radiation. Samtang duha pa ka laing drone ang malampusong na-intercept sa mga otoridad.
Ang Barakah Plant mao ang nag-inusarang nuclear facility sa UAE ug naghatag kini og hapit sa (1/4) sa kuryente sa tibuok nasud.
Bisan pa man og adunay gipatuman nga ceasefire niadtong Abril 8, padayon gihapon ang mga taho sa pag-atake gikan sa teritoryo sa Iraq ngadto sa mga nasud sa Gulf.
Niadtong Marso, nalakip ang Barakah sa listahan sa mga posibleng target nga gimantala sa mga presya sa Iran.