Miarangkada na usab ug miuyog sa entablado sa Britain’s Got Talent (BGT) ang Filipina singer nga si Kristel Herrera human niya gihatag ang usa ka talagsaon ug gamhanang performance sa semi-finals pinaagi sa kantang “Die on This Hill” nga viral hit ni Sienna Spiro.
Nakuha ni Kristel ang dagkong pagdayeg gikan sa mga hurado diin si Amanda Holden nagkanayon nga kadto usa ka “hingpit nga higayon” (perfect moment) tungod sa iyang talagsaong tingog, samtang gihulagway naman siya sa hurado nga si KSI nga daw sama sa usa ka “brilyante” (diamond) tungod kay bisan walay mga props o kalayo sa entablado, igo na kaayo ang iyang tingog. Bisan pa man og mipakita og gamay nga pagduhaduha ang sikat nga hurado nga si Simon Cowell sa sinugdanan sa kanta, miangkon gihapon kini nga nindot kaayo ang agi sa dagkong nota ni Kristel, diin gi-boo pa gani si Simon sa mga nanan-aw tungod sa iyang komentaryo.
Si Kristel, nga una nang nailhan sa iyang pagsalmot sa Tawag ng Tanghalan sa Pilipinas niadtong tuig 2020, usa lamang sa mga Pinoy nga naghatag og garbo karon sa maong internasyonal nga kompetisyon kauban ang laing Pinoy singer nga si Matty Juniosa.