Balhog sa bilangguan sa Dangcagan Municipal Police Station ang usa ka 34-anyos nga babaye human kini malampusong nadakpan sa gikasang drug buy-bust operation sa mga otoridad niadtong Lunes sa buntag, Mayo 18, 2026, sa Purok 1B, Barangay Poblacion, Dangcagan, Bukidnon.
Giila sa mga operatiba ang suspetsado sa alyas nga “Princess,” kinsa natala ingong usa ka newly identified drug personality sa maong lungsod.
Nahitabo ang maong operasyon yakna alas 8:08 sa buntag diin wala na makadagan pa ang suspek sa dihang napalibutan sa mga pulis human nilihok ang transaksyon.
Narekober gikan sa posisyon ni alyas Princess ang duha ka pakete sa gidudahang shabu nga mitimbang og 0.403 ka gramo, ug gibana-banang mobalor og Php 2,740.04 base sa Standard Drug Price (SDP).
Gawas sa ilegal nga droga, nakuha usab sa mga otoridad ang gigamit nga 500 pesos nga buy-bust money, usa ka coin purse nga maoy gisudlan sa shabu, cellphone, ug ang motorsiklo niini nga maoy gigamit sa ilegal nga binuhatan.