Nangayo og tabang sa National Bureau of Investigation (NBI) ang aktres nga si Claudine Barretto human matud pa gikidnap sa iyang personal assistant (PA) ang iyang tulo ka mga anak.
Gipadayag sa aktres ang iyang dakong kasuko sa maong panghitabo ug naghatag kini og pahimangno batok sa iyang kanhing bana nga si Raymart Santiago.
Sa iyang Facebook Live, gipadayag ni Barretto nga ang usa ka babaye nga ginganlan og Marisol, o Maria Solita Acap, diin matud pa misulay og kidnap sa iyang mga anak.
Sumala sa aktres, nadiskobrehan ang maong plano pinaagi sa iyang right-hand staff, personal assistant ug pipila ka fans, uban sa tabang sa National Bureau of Investigation o NBI.
Sumala ni Barretto nga kung sulod sa 15 minutos dili pa mauli ang iyang mga anak, iya na kining pasakaan og kaso si Marisol tungod sa kidnapping., na-trace na sa NBI ang giingong suspek ug iyang gipahimangnoan si Marisol nga ibalik dayon ang iyang mga anak gumikan naghulat na ang NBI.