Nasakmit sa Northern Mindanao Regional Athletics Association (NMRAA)—nga mas naila karon isip “The Northern Mindanao Stars”, ang duha ka medalyang bulawan sa pagsugod sa Palarong Pambansa 2026.
Ang unang bulawan gihatod ni Peter Jhon Nadera gikan sa Schools Division Office (SDO) Bukidnon human gipakita ang katakos sa Athletics 110m Hurdles ilawom sa Elementary Boys Category.
Gisundan gilayon kini sa laing bulawan nga nabulsa ni Charles James Villapaña alang gihapon sa Athletics 110m Hurdles apan sa Secondary Boys Category gikan sa SDO Misamis Occisidental.
Tungod niini, pormal nga misaka ngadto sa lima ka kinatibuk-ang medalya ang gihuptan sa Rehiyon 10 sa unang adlaw sa kompetisyon, human kini nadugangan og duha ka silver ug usa ka bronze gikan sa mga dula nga gipahigayon kagahapong adlawa.