Kapin 800 ka motorela drivers, nakadawat na og ayuda gika sa kagamhanan

Dungan nga nakadawat og tag ₱1,500 nga ayuda ang kapin 800 ka mga motorela drivers sa Valencia City pinaagi sa Assistance to Individuals in Crisis Situation kon (AICS).

Ang maong Subsistence Financial Support gipahigayon kagahapong adlawa, Mayo 28, 2026, sa Robinsons Place sa dakbayan sa  Valencia.

Tumong sa kagamhanang lokal sa Valencia o (LGU) nga mahatagan og dinaliang alibyo ang mga drayber nga giilang usa sa mga haligi sa lokal nga transportasyon ug komersyo.

Nahimong posible ang maong distribusyon pinaagi sa panagtambayayong sa CMO Assistance Office, CSWDO, City Treasurer’s Office, ug sa Barangay Community Leaders Association (BCLA).