Pormal nga gipasidunggan sa Rotary Club of Manila ang pito ka mga mamumuong Pilipino tungod sa talagsaong inobasyon ug kakugi niini sa natad sa trabaho ubos sa 2026 The Outstanding Workers of the Republic kon TOWER Awards.
Base sa report sa Bombo Radyo Malaybalay, gawas sa tropeyo ug dungog, nakadawat usab og tag-₱100,000 nga cash prize ang matag awardee isip pahalipay sa ilang dakong kontribusyon sa operational efficiency ug productivity sa nagkaduhang sektor sa manufacturing, engineering, ug teknolohiya sa nasud.
Sumala pa ni TOWER Awards 2026 Chairman Jesus Pineda Jr., tumong sa maong tinuig nga pag-ila nga mahatagan og igong dignidad, bili, ug pagpasiugda ang mga ‘blue-collar workers’ nga nagsilbing lig-on nga haligi sa industriya ug ekonomiya sa tibuok Pilipinas.